منتديات روزيتا اول اب www.rosettaallup.com

أرتقى بموضوع روزيتا اول اب وشارك اصدقاءك على الفيس بوك بأرسال الموضوع لهم من هنا

موضوع: عدد الأحزاب السياسيه فى مصر وكل شئ عنها ومن مؤسسها

عدد الأحزاب السياسيه فى مصر وكل شئ عنها ومن مؤسسها


الدستور المصرى بيسمح بـ ان مصر يبقى فيها أحزاب متعدده ، الحزب الوطنى الديموقراطى كان بيحكم و كان بيتسمح للأحزاب المعارضه بس ماكانش بيبقى عندهم فرصه بجد عشان ينافسو. القانون رقم 40 لـ سنة 1977 بينظم تأسيس الأحزاب السياسيه فى مصر. القانون ده كان بيمنع تأسيس أحزاب على أساس دينى. بعد ثورة مصر سنة 2011 اللى اطاحت بالرئيس حسنى مبارك اللى كان رئيس الحزب الوطنى الديموقراطى إبتدت احزاب جديده زى حزب ثوار التحرير وحزب شباب التحرير وكذا حزب دينى اسلامى و مسيحى.

تاريخ
ظهور الأحزاب فى مصر فى القرن ال19. كان بيعكس التفاعلات بين المجتمع و الاقتصاد و الثقافه و شوية ظروف تاريخيه و ظروف وطنيه و سياسيه. كل ده خلا يبقى فيه مؤسسات جديده بتحكمها الحكومه و الشعب, و تحسينها فى نفس الوقت. زى الپرلمان (مجلس الشورى) و مستشارين رئيس الحكومه و الأحزاب السياسيه, و النقابات. الظهور ده كان شويه-شويه, و عَدّا على مراحل ورا بعضها. الأحزاب السياسيه إتعملت فى الأول على هيئة مجتمعات سرّيّه و بعدين بقو جماعات سياسيه.

مصطفى كامل عمل أول حزب سنة 1907, و كان إسمهُ الحزب الوطنى, بس ده غير الحزب بتاع دلوقتى اللى إسمهُ الرسمى الحزب الوطنى الديموقراطى. فى أقل من عَشَر سنين, كان فيه أحزاب مختلفه عن بعض جداً; فى الطبيعه, و التأسيس, و التنظيم, و السلطه و الشُهره و الاسلوب. كان فيه أحزاب وطنيه معموله من جماعات بيتحكّم فيها القصر الملكى, و أحزاب تانيه معموله من سلطه الإحتلال, و بردو أحزاب بتعبّر عن الايديولوجيا بتاعتهم و عن بقية افكارهم السياسيه. مابين 1907 و 1920, الأحزاب اللى كانت إتعملت فى مصر كانو بيدلّو على إن فيه أحزاب تانيه حتتعمل; بس على أى حال, كان فيه منع بـ سبب الاحتلال البريطانى و خضوع مصر للإمبراطوريه العُثمانيه. فى فبراير 1922, إعلان استقلال مصر و تَطليع الدستور[21] خلّو يبقى فيه حُكم مَلَكى دستورى معمول على أساس تعدد الأحزاب و مبادئ الليبراليه الديموقراطيه.

فى فترة 1923 - 1952, مصر شاهدت تجربه كويسه جداً فى السياسه و ممارسة الديموقراطيه. على أى حال, التجربه دى كانت متأثره بـ عيوب كتيره, زى الإحتلال البريطانى, و التدخّل الأجنبى فى المصالح المصريه و تدخل القصر المَلَكى فى الحياه السياسيه. بعد انقلاب الظباط الأحرار سنة 1952, النظام المصرى فضل يصفى المعارضه. فى يناير 1953, الأحزاب السياسيه إتمنعت, و بقوا ماشين بنظام الحزب الواحد و الحزب الوحيد و المسيطر على كل حاجة كان الاتحاد الاشتراكى. إتعمل قانون للأحزاب , سنة 1977 إتحوّل النظام السياسى فى مصر

قانون الأحزاب
التصحيح السياسى ما كانش بيهتم بيه الحزب الوطنى الحاكم,وكان دايماً متهم بتزوير الانتخابات عشان يضمن أغلبية الكراسى فى الپرلمان. الحزب الحاكم كان دايماً بيقول إنه عايز يشيل القيود اللى بتمنع الأنشطه السياسيه للأطراف التانيه فى البلد.

محمد مصطفى كمال[22] عضو الأمانه العامه للسياسه كان بيقول : "فيه تفكير لمراجعه القانون بالنسبه للأحزاب السياسيه, عشان الأحزاب الجديده يقدروا يتكونوا, و عشان الأحزاب اللى موجوده تقدر تتحرك بحريه".

الأحزاب و الحركات
من سنة 2007 بقى صعب تاسيس احزاب جديده بطريق رسميه مسجله حيث إن لجنة شئون الأحزاب كانت لازم الأول توافق على تسجيل الحزب الجديد. اللجنه دى كان رئيسها أمين عام الحزب الوطنى الديموقراطى (الحزب الحاكم). فيه دلوقتى 24 حزب فى مصر:

حزب الاتحاد المصرى العربى (الربان عمر صميدة وكيل المؤسسين)www.eauparty.com
حزب الأحرار [1] إتأسس سنة 1977
حزب التجمع الوطنى التقدمى الوحدوى [2] (حزب اشتراكى مدنى) إتأسس سنة 1977
حزب العمل الإشتراكى [3] - إتأسس سنة 1978 (موقوف)
حزب الوفد الجديد رجع للحياة السياسية فى سنة 1978
حزب الاُمّه [4] إتأسس سنة 1983
حزب الخُضر [5] إتأسس سنة 1990
حزب الاتحادى الديموقراطى [6] إتأسس سنة 1990
حزب مصر الفَتاه [7] إتأسس سنة 1990
الحزب العربى الديموقراطى الناصرى [8] - إتأسس سنة 1992
حزب الشعب الديمقراطى [9] إتأسس سنة 1992 - (الحزب نشاطهُ واقف دلوقتى)
حزب العداله الاجتماعيه [10] إتأسس سنة 1993
حزب التكافُل [11] إتأسس سنة 1995
حزب الوِفاق [12] إتأسس سنة 2000
حزب مصر 2000 [13] إتأسس سنة 2001
حزب الجيل الديموقراطى [14] إتأسس سنة 2002
حزب الغد[15] إتأسس سنة 2004 - رئيسهُ أيمن نور و إترشح للرئاسه سنة 2005 و كان نمره 2 بعد حسنى مبارك
الحزب الدستورى الاجتماعى الحر [16] إتأسس سنة 2004
حزب شباب مصر [17] إتأسس سنة 2005
حزب السلام الديموقراطى [18] إتأسس سنة 2005
حزب المحافظين [19] إتأسس سنة 2006
الحزب الجمهورى الحر [20] إتأسس سنة 2006
حزب الجبهة الديموقراطيه إتأسس سنة 2007
حزب الوسط الجديد [21] - (حزب إسلامى منفصل عن جماعة الإخوان المسلمين, و زعيم الحزب "عبدالله ماضى - الحزب بيعتبر اول الاحزاب اللى طلعت للنور بعد ثورة 25 يناير

أحزاب تنتظر الرُخصه
1-حزب المصريين الأحرار ( مؤسسه نجيب ساويرس مع نخبه من المثقفين المصريين )
حزب مصر الأم ( حزب سيكولارى مدنى )
الحزب المصرى الليبرالى [22]
حزب المصريات حزبه اسسته ستات مصريات
حزب التيار المصرى ( اسسه شباب الإخوان مع ليبراليين و يساريين )
حزب العدل اسسته المستشاره نهى الزينى و غيرها
حزب مصر الكنانه http://www.mesralknana.com/ الجريده الإلكترونيه http://www.alknana.com/
مصر الجمهوريه التالته [23]
حزب الاصلاح و التنميه[24] (حزب ليبرالى إشتراكى, وكيل مؤسسينه أنور عصمت السادات)[25]
حزب أبناء النيل بيركز في الأساس علي علاج قضية النيل و المايه.
حزب الشباب الديمقراطى الاحرار (تحت التأسيس) الوكيل الاستاذ أحمد الشاذلى
حزب النهضه (اسلامى)
حزب نهضة مصر (اسلامى)
حزب التوحيد العربى (اسلامى)
حزب النور (اسلامى)
حزب الفضيله (اسلامى)
حزب مصر العربى الإشتراكى [26] (حزب قومى عربى إسلامى إشتراكى)
حزب الكرامه[27] - (حزب ناصرى, بيديرهُ الصحفيين و عضو الپرلمان - الحزب ده ماعندوش رُخصه كامله)
الحزب الشيوعى المصرى [28] (إتأسس سنة 1922 لـ1924 إتعاد تأسيسه سنة 1975) و اعلن انه حيطلع للنور رسمى قريب.
الحزب القومى المصرى
الحزب المصرى الديمقراطى الاجتماعى (اندماج مجموعة احزاب ,تحت التأسيس, و حركات ليبراليه لتكوين جبهة ليبراليه موحده.ايدولوجيته ليبراليه اشتراكيه).
حزب مصر الحريه اعلن عن الحزب فى 18 مايو 2011 و عرض عمرو حمزاوى واللجنة التأسيسيه برنامج الحزب.
حزب الحريه والعداله اسلامى اسسه الاخوان المسلمين http://www.hurryh.com

حركات سياسيه اخرى

1-جماعة الإخوان المسلمين [29]
حركة كفايه [30]
جبهة إنقاذ مصر
حركة شباب 6 ابريل [31]
حركة نقدر [32]
حركة غاضبون
حركة الثوار الاحرار(ثورةمصر)
حركة 14 فبراير إتأسست سنة 2009 [33]
اقباط من اجل مصر إتأسست في شهر يوليه سنة 2009, من مطالبهم ”توحيد قانون دور العباده"‏ [34]
الجمعيه الوطنيه للتغيير
حركة كلنا مصريين[35]
حركه من اجل مصر ائتلاف 25 يناير بالاسكندريه

أحزاب تاريخيه
الحزب الوطنى مؤسسه مصطفى كامل و بعده محمد فريد
حزب الإصلاح مؤسسه الشيخ على يوسف كان بيأيد الخديوى
حزب الأحرار مؤسسه محمد بك وحيد و كان بيأيد الاحتلال الانجليزى لمصر
الحزب الدستورى مؤسسه ادريس بك الراغب و كان بيأيد السلطه الشرعيه والفعليه
حزب النبلاء مؤسسه حسن حلمى زاده كان بيأيد تركيا
حزب الأمة مؤسسه احمد لطفى السيد و كان بيعبر عن مصالح كبار ملاك الأراضى و كان شعاره "مصر للمصريين"
حزب الوفد مؤسسه سعد زغلول كان بيطالب بالإستقلال عن بريطانيا
الحزب الجمهورى مؤسسه محمد غانم
حزب مصر الفتاة ( اسسه أحمد حسين - كان حزب متأثر بالفاشيه)
السعديين ( نسبه لسعد زغلول )
الحزب الاشتراكى ( اسسه سنة 1920 سلامه موسى مع الدكتور العنانى و محمد عبد الله عنان و حسنى العرابى )
الحزب الإباحى ( كان المقصود بالإباحى الشيوعى اسسه حسنى العرابى )
حزب مصر ( اسسه انور السادات )
هيئة التحرير والاتحاد القومى ( بتوع الظباط وهما اصل الاتحاد الاشتراكى ).
الحزب المصري { مؤسسه لويس أخنوخ }

نرجو فى حالة النقل منا ذكر رابط المصدر اسفله مع الموضوع حفاظأ على الحقوق والله شاهد على الجميع

 الموضوع الأصلي : عدد الأحزاب السياسيه فى مصر وكل شئ عنها ومن مؤسسها  المصدر : منتديات روزيتـا اول اب rosettaallup.com  كاتب الموضوع:  روزيتا اول اب

 القسم الخاص بالموضوع  :: القسم السياسى روزيتا اول اب Rosettaallup :: بولوتيكا السياسة روزيتا اول اب Rosettaallup

منتديات روزيتا اول اب Rosettaallup نبداء من حيث انتهى الأخرون ولسنا الوحيدون ولكننا مميزون
منتديات روزيتا اول اب للتميز اسرار
منتديات روزيتا اول اب نحن مبدعون وغيرنا مقلدون
انتظروا جديد منتديات روزيتا اول اب

منتديات روزيتا اول اب www.rosettaallup.com

أرتقى بموضوع روزيتا اول اب وشارك اصدقاءك على الفيس بوك بأرسال الموضوع لهم من هنا

موضوع: رد: عدد الأحزاب السياسيه فى مصر وكل شئ عنها ومن مؤسسها

تحية منى اليك بجميل موضوعاتك المتميزة
وشاكر على الموضوع
وتسلم الايادى الكريمة
وتقبل مرورى

نرجو فى حالة النقل منا ذكر رابط المصدر اسفله مع الموضوع حفاظأ على الحقوق والله شاهد على الجميع

 الموضوع الأصلي : عدد الأحزاب السياسيه فى مصر وكل شئ عنها ومن مؤسسها  المصدر : منتديات روزيتـا اول اب rosettaallup.com  كاتب الموضوع:  عاشق الظلام

 القسم الخاص بالموضوع  :: القسم السياسى روزيتا اول اب Rosettaallup :: بولوتيكا السياسة روزيتا اول اب Rosettaallup

منتديات روزيتا اول اب Rosettaallup نبداء من حيث انتهى الأخرون ولسنا الوحيدون ولكننا مميزون
منتديات روزيتا اول اب للتميز اسرار
منتديات روزيتا اول اب نحن مبدعون وغيرنا مقلدون
انتظروا جديد منتديات روزيتا اول اب